Djali i presidentit amerikan, Donald Trump Jr., ndodhet këtë të shtunë në Beograd për një takim dhe një darkë me presidentin e Serbisë, Aleksandër Vuçiç, sipas raportimeve nga mediat serbe, transmeton Insajderi.
Kjo shënon vizitën e tij të dytë në kryeqytetin serb brenda një periudhe të shkurtër, pas vizitës së fundit më 11 mars.
Presidenti Vuçiç ka ndarë një postim në Instagram, ku ka zbuluar edhe detaje nga darka që po organizohet posaçërisht për Trump Jr.
“Shumë të huaj, me të drejtë, thonë se jam njeri i vështirë dhe se nuk është e lehtë të flasësh me mua, por askush nuk ka thënë ndonjëherë se jemi jomikpritës. Për Donald Trump Jr. kemi përgatitur një derr të pjekur… Do të ishte marrëzi t’i ofronim karkaleca deti dhe kocë,” ka shkruar Vuçiç.
