Zëvendëskryeministri i parë dhe kandidati i VLEN-it për kryetar të komunës së Çairit, Izet Mexhiti, ka marrë sot një mbështetje të veçantë nga një emër me peshë në jetën shoqërore të Shkupit.
Në një takim miqësor, Mexhiti është pritur nga Adnan Idrizi, djali i Hafëz Idrizit, njërit prej dijetarëve islam më me ndikim në Shkup dhe më gjerë. Mexhiti ka vlerësuar kontributin e familjes Idrizi, e cila, siç theksoi ai, ka lënë gjurmë të thella në jetën dhe zhvillimin e Shkupit.
“Respekti për të kaluarën merr kuptim vetëm kur e shndërrojmë në punë për të ardhmen. Ky është drejtimi që duam për Çairin, të ndërtojmë mbi vlera dhe traditë, por të ecim përpara me vizion të ri”, është shprehur Mexhiti.
Sipas Mexhitit, mbështetja e Adnan Idrizit shihet si një mesazh i fortë për opinionin, duke i dhënë edhe më shumë peshë VLEN-it në Çair.
