Kryetari i Kuvendit të Maqedonisë së Veriut, z. Afrim Gashi, realizoi një vizitë në Radio Televizionin e Maqedonisë në kuadër të Ditës Botërore të Radios. Gjatë vizitës, ai pati një takim me drejtorin e përgjithshëm, z. Marijan Cvetkovski, dhe drejtoreshën e radios, z. Ajten Vllasaku Mehmeti, ku u diskutua për gjendjen aktuale dhe sfidat e ndryshme që po përballet ky institucion. Kryetari u njoh me planet për investimet e vitit në pajisje dhe teknologji të avancuara për radion.
Gashi vizitoi gjithashtu studiot e Radio Televizionit të Maqedonisë dhe pati mundësinë të ju drejtohet dëgjuesve të radios, ku thekosi lidhjen e tij të ngushtë me radion, si dhe sgprehu mbështetje të fortë të Kuvendit për zhvillimin dhe avancimin e këtij mediumi. Në përgjigje të pyetjes për mundësinë e emitimit 24 orë të Radio Shkupit, ai shprehu gatishmërinë për të ndihmuar dhe tha se duhet të punohet intenzivisht për të gjetur modalitete që mundësojnë zgjidhje në këtë drejtim.
Në fund të vizitës, Kryetari Gashi dorëzoi një dhuratë simbolike drejtoreshës Vllasaku Mehmeti në emër të Kuvendit, për të nderuar kontributin e çmuar dhe të pazëvendësuseshëm të radios kombëtare.
