Në kuadër të aktiviteteve për Ditën Ndërkombëtare të Personave me Nevoja të Veçanta, pata nderin të marr pjesë në një punëtori të organizuar nga nxënësit e shkollës “Hasan Prishtina”. Gjatë këtij aktiviteti, pata mundësinë të shoh nga afër punën dhe kreativitetin e këtyre të rinjve, të cilët me përkushtim dhe dashuri i kushtuan vëmendje përfshirjes sociale dhe mbështetjes për personat me nevoja të veçanta.
Gjatë bashkëbisedimit me nxënësit, ndjeva krenari për ndjeshmërinë dhe ndërgjegjësimin që ata treguan për këtë çështje kaq të rëndësishme. Biseduam mbi rëndësinë e krijimit të një shoqërie më gjithëpërfshirëse dhe më të drejtë, ku të gjithë të kenë mundësi të barabarta për të zhvilluar potencialin e tyre.
Ky aktivitet më la përshtypje të jashtëzakonshme, sepse më rikujtoi se çdo përpjekje për të ndihmuar të tjerët ka vlerë të madhe. Falënderoj nga zemra nxënësit dhe mësuesit e shkollës “Hasan Prishtina” për përkushtimin e tyre dhe për frymën e solidaritetit që përcollën në këtë ditë të veçantë. 
