Televizioni rus Tsargrad raporton se ka spekulime se kreut të Wagner, Yevgeny Prigozhin i dërguan një shishe vere të shtrenjtë para fluturimit. Televizioni, duke cituar një postim të MK.ru shkruan se “gjoja një dhuratë në formën e një kutie verë të shtrenjtë u dërgua në bordin e Prigozhin para fluturimit.”
Vdekja e liderit të Wagner pas rrëzimit të avionit në Moskë u konfirmua zyrtarisht pas disa orësh që nga ngjarja e rëndë. Agjencia Federale për Transportin Ajror, Rosaviatsia konfirmoi se bashkëthemeluesi i Wagner si dhe krahu i djathtë i Prigozhin, Dmitry Utkin ishte gjithashtu në avion.
Grey Zone, një kanal në telegram i lidhur me grupin mercenar fajësoi Moskën për rrëzimin e avionit. Avioni Embraer u rrëzua në rajonin Tver teksa po fluturonte mes Moskës dhe Shën Petersburgut.
