Transferimi i Edon Zhegrovës te Juventusi është vetëm çështje orësh.
Gazetarët e njohur Fabrizio Romano dhe Nicolo Schira, kanë raportuar se marrëveshja mes bardhezinjve dhe Lille është arritur.
Sipas këtyre burimeve, Juventusi do të paguajë deri 20 milionë euro me bonuse, ndërsa klubi francez do të përfitojë edhe një përqindje të vogël nga një shitje e ardhshme e yllit kosovar.
Zhegrova do të firmosë një kontratë deri në vitin 2030, me një pagë të garantuar prej rreth 2.5 milionë eurosh në vit.
Bardhezinjtë kanë planifikuar që sot të zhvillohen testet mjekësore dhe nënshkrimi i kontratës, çka do ta bëjë transferimin e Zhegrovës në Torino të mbyllur zyrtarisht.
Lojtari ka pritur deri tani kalimin e tij te Juventusi, ndërsa edhe Marsille ishte shumë e interesuar, por Lille vendosi të mos e shesë brenda Francës.
Nëse edhe testet mjekësore mbyllen si duhet, trajneri Igor Tudor do ta ketë në skuadër Edon Zhegrovën, pas ndeshjeve me Kosovën, ku ai është i ftuar nga Franco Foda për ndeshjet me Zvicrën dhe Suedinë.
