Pasi u quajt tradhtar kur la kombëtaren italiane për milionat e sheikëve në drejtimin e kombëtares së Arabisë Saudite, Roberto Mancini është gati të rikthehet në Serie A.
Mediat italiane shkruajnë se Mancini është kandidat kryesor për të marrë drejtimin e Romës, e cila po zhgënjen në javët e fundit nën drejtimin e Juric.
Edhe pse tekniku vlerësohet shumë nga drejtuesit, duke qenë se ka dalë edhe kampion i Europës me Italinë, në këtë rast ka kundër tifozët e Romës, duke qenë se në të kaluarën ai ka qenë lojtar dhe trajner i rivalëve historik të Lazio-s.
Mancini u shkarkua nga drejtimi i Arabisë Saudite për rezultate të dobëta vetëm pak ditë më parë.
