Deri në këtë moment dita e sotme zgjedhore e Zgjedhjeve lokale 2025 kalon në përgjithësi qetë dhe pa probleme të mëdha në procesin zgjedhor, konform informacioneve të marra nga prokuroritë publike në mbarë shtetin, informoi Prokuroria Themelore Publike. Thekson se nga fillimi i votimit në mëngjes, deri te prokuroritë publike dhe në adresën e posaçme elektronike izbori@jorm.mk, nuk janë paraqitur parregullsi ose incidente në vendvotime, të cilat do të kishin elemente të veprës penale.
“Një prokuror themelor nga PTHP Strumicë sot është njoftuar gojarisht për fletëvotime të shtypura gabimisht në Novosellë dhe është kryer bisedë. Është njoftuar KSHZ-ja që ta zëvendësojë materialin, por nuk ka elemente të veprës penale. Gjatë ditës së djeshme, ngjarje të caktuara me supozime për ryshfet zgjedhor janë evidentuar në PTHP Veles, PTHP Prilep, PTHP Kriva Pallankë dhe PTHP Shën Nikollë. Në të gjithë këto ndërmerren veprime sipas orientimeve të prokurorit publik për hetim të supozimeve. Qarkullojnë disa informacione edhe në lidhje me ngjarjet me elemente të shkeljes së heshtjes zgjedhore, por deri në këtë moment janë evidentuar gjithsej shumë pak ngjarje që mund të evidentohen si vepër penale, duke pasur parasysh se procesi zgjedhor deri në këtë moment kalon pa probleme të mëdha nga aspekti i veprimeve të Prokurorisë Publike”, thuhet në kumtesën e PTHP-së.
Thekson se Komisioni i përkohshëm i Prokurorisë Publike për ndjekje të parregullsive eventuale zgjedhore edhe sot vazhdon që ta ndjekë gjithë rrjedhën procesit zgjedhor, ndërsa adresa elektronike izbori@jorm.mk, mbetet e hapur për të gjitha raportimet eventuale të dyshimeve për vepër penale, e cila mund ta prishë rrjedhën e zgjedhjeve
