Qeveria e Austrisë është duke përgatitur një ligj me të cilin do të ndalohet mbajtja e shamisë së kokës nga vajzat nën moshën 14 vjeç në të gjitha institucionet arsimore, përfshirë shkollat private dhe ato islame.
Mediat austriake njoftojnë se ky veprim vjen si pjesë e një përpjekjeje për të forcuar integrimin dhe për të kufizuar “mbulimin e hershëm” të vajzave myslimane.
Sipas Ministrisë së Familjes dhe Integrimit, fenomeni nuk është aq i rrallë. Vetëm në Vjenë vlerësohet se deri në 12,000 fëmijë mbajnë shamia.
Nëse ligji miratohet, mësuesit do të kenë detyrim të raportojnë shkeljet. Gjobat për prindërit mund të kalojnë shumën prej 1.000 euro për rastet e përsëritura.
Policia do të jetë e ngarkuar me zbatimin e masave ndëshkuese.
Vendimi përfundimtar pritet të merret gjatë muajit shtator. (INA)
