Zëvendesdrejtori i Drejtorisë së Doganave, Mustafa Dauti, ka zhvilluar një takim pune me Zëvendësdrejtorin e Përgjithshëm të Drejtorisë së të Ardhurave Publike të Maqedonisë së Veriut, z. Fisnik Mela, në kuadër të forcimit të bashkëpunimit ndërinstitucional.
Gjatë këtij takimi, u diskutuan sfidat e përbashkëta dhe mundësitë për thellimin e bashkëpunimit, me theks të veçantë në përmirësimin e kontrollit fiskal. Dauti theksoi rëndësinë që ka Dogana në mbledhjen efikase të të ardhurave dhe në lehtësimin e proceseve për komunitetet e biznesit.
Në takim u nënvizua edhe roli kyç i institucioneve në luftën kundër ekonomisë gri dhe korrupsionit, si dhe nevoja për rritje të transparencës dhe ndërtimin e një bashkëpunimi të qëndrueshëm ndërmjet institucioneve përkatëse.
“Ky takim shënon një hap të rëndësishëm drejt përmirësimit të funksionimit institucional dhe rritjes së besueshmërisë publike,” deklaroi Mustafa Dauti.
Takimi vlerësohet si një nismë e rëndësishme për forcimin e politikave fiskale dhe doganore në vend.
