Drejtoria për të Ardhura Publike (DAP) ka përfunduar hetimet për kompanitë të cilat me mashtrime fiktive kanë dëmtuar buxhetin dhe kanë marrë shuma të larta si kthim të TVSH-së nga buxheti. I gjithë dokumentacioni është dorëzuar deri te organet hetimore, Prokuroria Publike dhe Policia Financiare.
Siç njoftoi drejtoresha e DAP, Elena Petrova, bëhet fjalë për 10 kompani, ndërsa shuma për mospagesë të tatimit është 4 miliard denarë.
Drejtoria e të Ardhurave Publike njoftoi gjithashtu se qytetarët do të mund të marrin vërtetim elektronik për gjendjen e të ardhurave të realizuara, dokument i cili u nevojitet për stipendi, për lidhje të kontratave të punës, për ndihmë sociale, për adoptim të fëmijëve e të tjera. Këtë dokument do ta pranojnë edhe bankat gjatë miratimit të krediteve. /Alsat.mk
