Cveta Ristovska është zgjedhur për Zëvendës Kryetare e Komisionit Shtetëror për Parandalimin e Korrupsionit, ashtu siç parasheh puna e këtij Komisioni, ku secili nga anëtarët e Komisionit në rrotacion bëhet Zëvendëskryetar i Komisionit në afat prej 6 muajve, kjo u vendos në mbledhjen e seancës së 21-të, të KSHPK-së.
“Rrotacioni realizohet sipas shkronjës së mbiemrit të çdo anëtari, dhe duke marrë parasysh se mandate i zv/Kryetarit aktual skadon me datë 28 gusht, anëtarit tjetër që i takon ky pozicion është anëtarja Cveta Ristovska” – tha Zv.Kryetarja e deritanishme e KSHPK-së, Biljana Karakasheva – Shulev.
Komisioni Shtetëror për Parandalimin e Korrupsionit, akoma është duke funksionuar pa Kryetar për shkak dorëheqjes së Kryetares së deritanishme, Tatjana Dimitrovska. Dorëheqa e saj erdhi pasi Prokuroria ngriti një aktakuzë ndaj saj më 18 korrik për veprat penale të Zbulimit të Sekreteve Zyrtare dhe Falsifikimit Kompjuterik.
Kuvendi ka hapë konkurs, dhe sipas informacioneve mësohet se dhjetëra kandidat kanë aplikuar, për Kryetarë të këtij komisioni, ndërsa kjo shpallje do të mbyllet sonte. Kurse numri zyrtarë dhe emrat do të kuptohen nga dita e hënë, pasi të arrinë ato të cilat janë dërguar përmes postës, ndërsa zgjedhja e Kryetarit të ri do të realizohet pas Zgjedhjeve Lokale.
Zëvendëskryetarja e re e Komisionit Shtetëror për Parandalimin e Korrupsionit, u shpreh se edhe përskaj volumit të punës, do të vazhdojnë fuqishëm të punojnë deri në zgjedhjet e Kryetarit të ri.
“Përgjegjësit dhe obligimet në bazë të ligjit do të vazhdojmë ti kryejmë. Sa i përket ish Kryetares ne jemi prononcuar dhe organet janë duke vepruar. Ndrësa për sa u përket obligimeve tona edhe njëherë po e konfirmoj dhe zotohem se të gjitha obligimet tona ligjore do ti mbarojmë në përputhje me ligjin.” – deklaroi Zv.Kryetarja e re e KSHPK-së, Cveta Ristovska.
Poashtu në pikën e tretë të seancës janë hapur edhe disa lëndë, në bazë të paralajmërimeve, por pasi është konstatuar gjendja faktike të njëjtat janë mbyllur, ndërsa për një ushtrues i detyrës Drejtor i Klinikës, është shqiptuar një gjobë, sepse i njëjti në vitin 2024 ka nënshkruar tre marrëveshje me një Kompani, ku në bazë të dëshmive thuhet se bashkëshortja e djalit të tij, ka qenë pjesë e kësaj Kompanie. Shkelje në këto marrëveshje ka konstatuar edhe Byroja e Prokurimit Publik, më pas të njëjat janë shkëputur për mos respektimin e dispozitave ligjore, të cilat kanë kapur vlerën e afro 250 mijë denarëve.
