Në periudhën e parë te Manchester Unitedi, portugezi Cristiano Ronaldo kishte habitur të gjithë me veprimin e tij. Ai kishte ofruar veturën e tij në shkëmbim të numrave të telefonit të dy këngëtareve që ishin paraqitur në emisionin “X-Factor”.
Ish-fizioterapeuti i Unitedit, Rod Thornley ka zbuluar se Ronaldo i kërkoi atij numrat e telefonit të këngëtares së grupit “Pussycat Dolls”, Kimberly Wyatt dhe motrës së Kylie Minogue, Dannii, gjatë periudhës së tij të parë në Angli midis viteve 2003 dhe 2009.
“Ai ishte duke bërë masazh me mua dhe në televizor ishte ‘X Factor’. Ai me pyeti se kush ishte ajo vajzë dhe unë i shpjegova se ishte Dannii Minogue, motra e Kylie Minogue. Ai më kërkoi numrin e saj dhe brenda pak ditëve ia dorëzova atij. Ata patën disa takime, por asgjë nuk doli në fund”, ka thënë Thornley.
Thornley gjithashtu pretendoi se atij Ronaldo ia ofroi Porschen me gjysmë çmimi në këmbim të numrit të telefonit të Kimberly Wyatt pak para se sulmuesi të nënshkruante për Real Madridin në vitin 2009.
