Ka përfunduar edicioni i 19 i Festivali Ndërkombëtar Teatror “Skupi festival”, me moton “Në fund, të gjitha maskat bien”, i cili nisi që nga data 29 shtator, në hapësirat e Teatrit Shqiptar- Shkup. Në natën e fundit Juria e festivalit të këtij edicioni, Zamira Kita, Srebra Gjorgjijevska dhe Adrian Aziri shpallën fituesit.
Shfaqja më e mirë e festivalit GRAND PRI nga juria u shpall “Medea” nga Euripidi, në regji të Dekllan Donellan, luajtur nga ansambli i Teatrit Kombëtar Bullgar “Ivan Vazov” nga Sofja. Një vepër e plotë teatrale ku veçohet loja e aktores kryesore Radina Karxhillova, që na e sjell temën e Medeas në një mënyrë bashkëkohore, një vepër që shkaktoi katarsisë tek publiku. Përjetim i një përvojë të veçantë teatrale, falë kastit të shkëlqyer dhe konceptit të regjisorit. Ne e vlerësojmë që Medea u dallua nga të gjitha shfaqjet e tjera dhe tregoi se si antikiteti mund të jetë modern dhe afër publikut të sotëm.
Çmimi special LURAN AHMETI nga juria u dha për aktoret Yllka Mujo dhe Armela Demaj nga shfaqja e natës së fundit Gjysmë jeta e Maria Kyrisë, nga autori Lauren Gunderson dhe regji të Armela Demaj, produksion i teatrit Metropol nga Tirana.Kohezioni aktores midis aktoreve Yllka Mujo dhe Armela Demaj, na çoi nëpër jetën dhe fatin e shkencëtares së madhe Marie Kyri. Loja delikate e Marias së brishtë, por edhe era e fortë pas shpinës që i jep Herta, e bën këtë shfaqje shumë të fortë në aspektin e aktrimit. Kjo ishtë arsyeja pse ne e vlerësojmë, me këtë çmimin special.
Çmimi Special inkurajues shkon për aktorët e rinj Ozkan Ozen dhe Best Ozen të cilët vlerësohen duke u ikurajuar per lojën e tyre të sinqertë plot energji, humor emocion dhe talent, nga shfaqja “Tërbim për dy persona ose me shumë” të autori Eugen Jonesko dhe regji të Senem Xhehver nga teatri “Hera“ i Stambollit Turqisë.
Skupifestival ndau çmimin për kreativitetin regjisorial Vasil Vasilevit në shfaqjen “Don Zhuan” të autorit Moljer, produksion i Teatrit Kombëtar nga qyteti Nish.
