Xavi Hernandez nuk do të ketë përfundimisht nën urdhrat e tij Joao Cancelon, i lëndua në duelin me Las Palmas në La Liga.
Portugezi nuk u stërvit këtë të shtunë dhe mbetet jashtë ekipit për finalen e Superkupës së Spanjës mes Barcelonës dhe Realit të Madridit.
Cancelo qëndroi në fushë vetëm 10 minuta në ndeshjen e fundit të katalanasve në La Liga, por Xavi kishte shpjeguar në konferencën për shtypin se lëndimi i lojtarit nuk ishte serioz dhe se ai do të udhëtonte me ekipin për në Arabinë Saudite.
Mbrojtësi i krahut u bashkohet emrave të tillë si Ter Stegen, Gavi, Marcos Alonso, Inigo Martínez dhe Raphinha (u dëmtua në gjysmëfinale kundër Osasunas) në listën e lojtarëve që mungojnë në “El Clasico”.
