Një çift bashkëshortësh në moshë të shtyrë humbën jetën në një zjarr në Kriva Pallankë. Trupat e dy viktimave u zbuluan pas ndërhyrjes së njësisë zjarrfikëse.
Thirrja mbërriti para orës 9 të mëngjesit, ku u raportua për një zjarr në katin e një shtëpie familjare në qytet. Ndërhynë dy automjete dhe 9 zjarrfikës, na informuan nga shërbimi përkatës.
Pas fikjes së zjarrit, u gjetën dy viktimat.
Në vendin e tragjedisë po kryhet një inspektim. Dyshimet e para janë se zjarri ka nisur 4 deri në 5 orë para se të raportohej, pra gjatë natës.
