Edhe pse sot hyjmë në botën e teknologjisë gjithnjë e më të avancuar, shpesh ndihemi nostalgjik për telefonat e vjetër. Jo vetëm që të kujtojnë kohët e shkuara, por disa prej tyre mund të vlejnë një pasuri.
Lexoni më poshtë se cilët celularë të vjetër mund t’ju befasojnë me vlerën e tyre të tregut sot. Këto modele jo vetëm që zënë një vend të rëndësishëm në historinë e teknologjisë së telekomunikacionit, por përfaqësojnë edhe një investim interesant për koleksionistët dhe entuziastët e teknologjisë.
Motorola DynaTAC 8000X dhe Motorola MicroTAC 9800X
DynaTAC është një linjë e telefonave celularë e prodhuar nga Motorola nga 1983 deri në 1994. Sot për këtë telefon mund të merrni nga disa qindra deri në disa mijëra euro, në varësi të gjendjes.
MicroTAC është një familje e telefonave celularë të prodhuar nga Motorola në Shtetet e Bashkuara. Modeli i parë që doli në treg ishte 9800X, i cili u prezantua në publik më 25 prill 1989. Ky telefon është në dispozicion sot në eBay për gati 200 euro.
Motorola International 3200 dhe Motorola Razr2
Motorola International 3200 ishte telefoni i parë celular dixhital portativ dhe u prezantua në vitin 1992. Ky telefon mund të blihet në eBay nga 70 deri në 200 euro.
Motorola Razr2 është ndoshta një nga telefonat rrotullues më të famshëm dhe një nga modelet më të njohura të Motorola-s. Në eBay, ky telefon është në dispozicion për nga 100 deri në 200 euro.
Nokia-Mobira Cityman 900 dhe Nokia 7280
Modeli Cityman 900 u lëshua nga Nokia-Mobira në 1987. Ishte një nga telefonat e parë portativë. Në varësi të gjendjes së telefonit, për këtë telefon mund të arrihen çmime prej disa mijëra eurosh.
Nokia 2G 7280, “buzëkuqi” i famshëm, u rendit ndër produktet më të mira nga Revista Fortune në vitin 2004 dhe në vitin 2005 ata morën çmimin prestigjioz iF për dizajnin e produktit. Ky telefon është shumë i popullarizuar në mesin e koleksionistëve, dhe çmimi i tij në eBay është rreth 190 euro.
iPhone2G dhe iPhone3G
iPhone2G njihet edhe si iPhone EDGE, është modeli i parë i Apple që i përket familjes së smartfonëve.Ky telefon është i disponueshëm në eBay nga 300 deri në 1000 euro, në varësi të gjendjes, sipas revistës Fenix.
iPhone3G është pasardhësi i iPhone EDGE dhe paraardhësi i iPhone 3GS. Ai u prezantua më 9 qershor 2008 në Konferencën Botërore të Zhvilluesve në San Francisko. Ky telefon i ri ne kuti shitet ne eBay gati 1000 euro.
