Çair 2030 ka vazhduar serinë e fitoreve në kampionatin maqedonas me një triumf bindës në shtëpi ndaj Vardarit me rezultat 104-80.
Fillimi i ndeshjes ishte dominues për ekipin e Çairit, i cili fitoi çerekun e parë me 26-7 dhe vazhdoi me një ritëm të shkëlqyer në sulm, duke arritur një epërsi prej +28 (58-30) në pushim. Trajneri Ramadan dhe ekipi i tij vazhduan të kontrollonin ritmin e lojës deri në fund, duke arritur fitoren e pestë të sezonit.
Me 38 pikë, 11 kërcime dhe 5 asistime, Keli ishte lojtari më i dalluar për Çairin, ndërsa për Vardarin, Stevens shënoi 12 pikë dhe 15 kërcime.
