Zëvendëskryeministri i Qeverisë, përgjegjës për çështje ekonomike, koordinim me resorët ekonomikë dhe investimet, Fatmir Bytyqi dhe ministrja e Mjedisit dhe Planifikimit Hapësinor, Kaja Shukova, realizuan një takim me nënsekretarin e Kombeve të Bashkuara dhe drejtore ekzekutive e Programit të OKB-së për mjedisin Inger Andersen dhe ekipin e UNEP-it që janë në vizitë nëpër vendet e Ballkanit, përfshirë Republikën e Maqedonisë së Veriut. Temat e bisedës ishin kriza e trefishtë planetare dhe ndikimi i saj në vendin tonë, bashkëpunimi në të kaluarën dhe të ardhmen dhe zhvillimi i qëndrueshëm.
Pas vizitës së Sekretarit të Përgjithshëm të Kombeve të Bashkuara, Ban Ki Mun në Maqedoninë e Veriut në vitin 2012, Inger Andersen është një nga përfaqësueset më të larta të Kombeve të Bashkuara që viziton vendin.
Lidhur me krizën e trefishtë planetare, ndryshimet klimatike, humbjen e biodiversitetit dhe ndotjen si kërcënim për planetin dhe njerëzit, zëvendëskryeministri Bytyqi theksoi se pavarësisht faktit se mbulon vetëm pesë për qind të Gadishullit Ballkanik, Maqedonia e Veriut është një thesar evropian i biodiversitetit.
“Prandaj, prania dhe angazhimi i UNEP-it në Maqedonisë së Veriut dhe është i përkushtuar për të ofruar ekspertizë teknike, këshilla për politikat dhe mbështetje për ndërtimin e kapaciteteve për të avancuar më tej zhvillimin e qëndrueshëm dhe ruajtjen e mjedisit në vend”, tha Andersen.
Koordinatori i përhershëm i OKB-së në R. e Maqedonisë së Veriut, Rosana Duxhak, shprehu kënaqësinë për bashkëpunimin ndërmjet Qeverisë dhe agjencive të OKB-së për të adresuar sfidat që kanë të bëjnë me mjedisin, përmes angazhimit të përkushtuar për ruajtjen e biodiversitetit, reduktimin e ndotjes së ajrit, adresimin e ndryshimeve klimatike, rreziqet nga fatkeqësitë dhe mbetjet e rrezikshme.
“Rezultatet e arritura përfshijnë rritjen e territorit nën mbrojtje në 14% të territorit kombëtar, një angazhim ambicioz për të reduktuar emetimet e gazeve serrë me 53% deri në vitin 2030 dhe përfshirjen e aspekteve mjedisore dhe ndryshimeve klimatike në arsimin parashkollor dhe fillor”, tha Duxhak dhe shprehu shpresën se angazhimet e vendit për të adresuar krizën planetare të trefishtë do të rikonfirmohen në Samitin e Objektivave të Zhvillimit të Qëndrueshëm në vitin 2023 dhe do të përfshihen në Strategjinë Kombëtare të Zhvillimit për të përshpejtuar zhvillimin e qëndrueshëm deri në vitin 2030 dhe më tej.
Ministrja e Mjedisit dhe Planifikimit Hapësinor, Kaja Shukova, tha se partneritetet në mjedis janë jashtëzakonisht të rëndësishme dhe theksoi pritshmëritë që mbështetja e UNEP-it do të vazhdojë edhe në periudhën e ardhshme, veçanërisht në adresimin e sfidës së trefishtë planetare për uljen e ndikimeve në ndryshimet klimatike dhe rritja e rezistencës ndaj tyre, reduktimi i humbjes së biodiversitetit dhe reduktimi i ndotjes së ujit, ajrit dhe tokës.
“Ndihmë e madhe do të paraqiste harmonizimi me sfidat e proceseve integruese evropiane në Kapitullin 27 – Mjedisi dhe Klima, zbatimi i Agjendës së Gjelbër, si dhe bashkëpunimi ndërkufitar dhe qasja rajonale në mbrojtjen e ekosistemeve të përbashkëta me vendet fqinje”, tha Shukova.
