Donald Trump do të jetë Presidenti i 47-të i SHBA-ve. Ai do të rikthehet për herë të dytë në krye të “Shtëpisë së Bardhë”, pasi u largua katër vite më parë ku humbi garën me Presidentin aktual Joe Biden.
Trump siguroi 279 vota elektorale nga 270 që ishin të nevojshme për të siguruar presidencën, ndërsa Kamala Harris arriti të marrë 223 vota.
Pas fitores Trump mori mesazh urimi dhe nga ish-Presidenti i SHBA-ve Xhorxh W.Bush. Edhe pse Bush dhe Trump vijnë nga e njëjta familje politike ajo republikane, marrëdhëniet mes tyre nuk kanë qenë aspak të mira.
Bush ka uruar Trump dhe zv.Presidentin JD Vance për fitoren në këto zgjedhje. Gjithashtu ish-Presidenti Bush ka falenderuar zv.Presidenten aktuale Kamala Harris dhe Presidentin Joe Biden për shërbimin e tyre.
