Një burrë që vdiq në një qeli burgu në Atlanta u “ngrënë i gjallë nga insektet dhe çimkat”, ka pretenduar avokati i familjes.
Lashawn Thompson u vendos në krahun psikiatrik të burgut të Qarkut Fulton pasi zyrtarët e gjykuan atë të sëmurë mendor.
Avokati i familjes, Michael D Harper, publikoi foto që tregojnë trupin e Thompsonit të mbushur me insekte.
Ai po bën thirrje për një hetim penal dhe u tha gazetarëve se një padi është në pritje, shkroi BBC.A
“Thompson u gjet i vdekur në një qeli të ndyrë burgu pasi u ngrënë i gjallë nga insektet dhe çimkat”, tha Harper në një deklaratë. “Qelia e burgut ku Thompson ishte vendosur nuk ishte e përshtatshme as për një kafshë. Ai nuk e meritonte këtë”.
Harper tha se të dhënat e burgut tregojnë se oficerët e burgut dhe stafi mjekësor vunë re se Thompson po përkeqësohej, por nuk bënë asgjë për ta ndihmuar atë.
Raporti i ekzaminuesit mjekësor tha se kishte një “infektim të rëndë të insekteve” në qelinë e tij në repartin psikiatrik, por tha se nuk kishte shenja të qarta të traumës në trupin e Thompsonit.
