Një ngjarje tragjike ka tronditur qytetin e Tetovës, ku një person ka humbur jetën si pasojë e plagëve të marra në një sulm me armë.
Sipas informacioneve të para, sulmi dyshohet të ketë ndodhur për shkak të një mosmarrëveshjeje të mëparshme mes palëve të përfshira. Përveç viktimës fatale, raportohet se ka edhe persona të tjerë të plagosur, të cilët janë dërguar për trajtim mjekësor.
Në këtë moment, Sektori për Punë të Brendshme Tetovë ende nuk ka dhënë një njoftim zyrtar me detaje mbi rrethanat dhe shkaqet që çuan në këtë akt të rëndë.
Autoritetet janë duke hetuar ngjarjen dhe pritet që më vonë të jepen informacione shtesë për publikun
