Ish-Sekretarja e Përgjithshme e Këshillit për Bashkëpunim Rajonal (RCC) dhe një nga zërat më me ndikim në rajon, Majlinda Bregu, iu drejtua me një video-mesazh qytetarëve të Çairit, në mbështetje të kandidatit për kryetar komune, Bujar Osmani.
Në fjalën e saj, Bregu kujtoi bashkëpunimin e gjatë me Osmanin dhe theksoi angazhimin e tij të qartë europian, lidershipin që di të dëgjojë, të respektojë dhe të bashkojë njerëzit, si dhe vizionin për zhvillim që lidh nivelin lokal me atë rajonal e europian.
“Ky nuk është vetëm një mesazh politik, por një kujtesë se Çairi meriton një të ardhme me më shumë mundësi, me shërbime më të mira dhe me dinjitet europian. Unë besoj se Bujar Osmani di si t’i bashkojë qytetarët dhe si t’i bëjë institucionet të funksionojnë për ta,” tha Bregu.
