Jude Bellingham mori çmimin ‘Lojtari i Vitit’ në Bundesliga si një çmim ngushëllues pasi Borussia Dortmund humbi fitimin e titullit.
Borussia Dortmund humbi një epërsi prej dy pikësh dhe ia dhuroi titullin e ligës Bayern Munich pasi arritën vetëm një barazim 2-2 kundër Mainz në ndeshjen e fundit.
Pavarësisht gjithë zhgënjimit për humbjen e titullit në ditën e fundit, Bellingham arriti të merrte një çmim ngushëllues duke fituar çmimin ‘Lojtari i Vitit’ në Bundesliga, përcjellë lajmi.net.
Reprezentuesi anglez shijoi një sezon të shkëlqyer me skuadrën gjermane pasi shënoi 14 gola dhe dha shtatë asistime në 42 ndeshje.
Duke qenë i lidhur me një lëvizje te Real Madridi gjatë verës, 19-vjeçari me sa duket u dha lamtumirën bashkëlojtarëve të tij një ditë pasi humbi garën për titull në Bundesliga.
