Kompanitë të mbajnë premtimin për uljen e çmimeve të produkteve, bëri thirrje ministri i ekonomisë, Kreshnik Bekteshi. Nëse do të ketë raste të përfituesve nga kriza, Bekteshi paralajmëroi se do të kërkojë mbështetjen e deputetëve për të miratuar një ligj solidariteti dhe fondet që do të mblidhen do t’u jepen qytetarëve për mbështetje direkte përmes masave antikrizë që po krijohen në mënyrë shtesë.
Ai ritheksoi pritshmëritë për ulje të çmimeve nga 7 deri në 12-13 për qind për produkte të ndryshme.
“Për të qenë i sinqertë, tashmë ka një ulje prej 10 për qind në disa produkte. Për shembull, buka ka ulje prej 10 për qind në krahasim me çmimin e bukës në shtator dhe tetor, kosi gjithashtu. Disa produkte të caktuara të mishit kanë një reduktim, për fat të keq, disa jo. Prandaj, Inspeksioni i Tregut është rregullisht në terren dhe presim që me miratimin e zgjidhjes ligjore nga Kuvendi të bëhen kalkulime shtesë dhe ata që kanë bërë fitime shtesë nga ajo që kanë pasur në dy-tre vitet e kaluara, të paguajnë tarifa shtesë, mjete që do t’i përdorim për të mbështetur qytetarët, veçanërisht familjet që kanë më tepër nevojë.”, – deklaroi ministri i ekonomisë, Kreshnik Bekteshi.
Siç bëri të ditur Bekteshi, Ministria e Ekonomisë së bashku me Qeverinë janë duke punuar në rishikimin e ligjit për mbështetjen financiare të investimeve.
Në fazën finale po negociohet me disa kompani të huaja dhe me shumë gjasa muajin e ardhshëm do të paralajmërojnë investime të reja shtesë në vendin tonë, informoi Bekteshi pas vizitës së fabrikës farmaceutike “Bionika Farmaceutikals”, e cila është shfrytëzuese e ndihmës financiare nga shteti.
