Deputeti i Lëvizjes Vetëvendosje në Maqedoninë e Veriut, Bekim Qoku, ka reaguar pas zhvillimeve të fundit brenda koalicionit opozitar shqiptar VLEN, duke kritikuar idenë e daljes me lista të ndara në zgjedhjet lokale, si dhe propozimet për matjen e kandidatëve përmes anketave. Ai i ka cilësuar këto si ide që minojnë frymën e bashkimit dhe përçajnë elektoratin opozitar.
Sipas tij, insistimi i Aleancës për Shqiptarët për të dalë me lista të veçuara është “i papranueshëm” dhe “jopolitik”, duke shtuar se një qasje e tillë nuk mat forcën reale të opozitës kundrejt kundërshtarit të vetëm, BDI-së, por rrezikon përçarjen e brendshme.
