Bashkimi Demokratik për Integrim ka reaguar sërish për arrestimet në rastin e zjarrit të Koçanit.
Nga BDI thonë se pronari i klubit “Puls” ku vdiqën 59 persona, merret nga policia pa pranga, teksa ish-ministri i Ekonomisë Kreshnik Bekteshi me pranga dhe me prezencë mediatike.
Reagimi i plotë:
Kjo është turp. Kjo është spektakël. Kjo është absurditet.
Autori i drejtpërdrejtë i tragjedisë, pronari i klubit që u dogj dhe mori jetën e 59 të rinjve në Koçan, merret nga policia PA pranga, ndërsa një ish-ministër, që nuk ka asnjë lidhje me këtë tragjedi, u shoqërua ME pranga, nën vëmendjen maksimale të mediave, pasi më parë ishin ftuar kamerat.
Ky është një turp institucional.
Ky është manipulim i pastër.
Kjo është përdhosje e drejtësisë.
Ne nuk do të heshtim përballë këtij absurdi!
