Pasi që eliminoi skuadrën e Larnes me rezultat të thellë 7:1, Ballkani sot e ka eliminuar edhe Lincoln Red Imps nga Liga e Konferencës.
Ballkani e ka eliminuar Lincoln Red Imps nga kualifikimet e Ligës së Konferencës, duke e mposhtur si vendas dhe si mysafirë, raporton KosovaPress.
Pas plot 90’ minutave lojë të zhvilluara në stadiumin “Victoria” të Gjibraltarit, Ballkani e mposhti Lincoln Red Imps me rezultat 3:1.
Golat për kampionin kosovar i shënuan Meriton Korenica (minuta e 48’), Edvin Kuc (minuta e 64’) dhe Qendrim Zyba (minuta e 90+8’), kurse golin e nderit te Lincoln Red Imps e shënoi Juampe (minuta e 66’).
Me fitoren e sotme dhe atë si vendas në “Fadil Vokrri” të Prishtinës, Ballkani e eliminon Lincoln Red Imps nga Liga e Konferencës me rezultat të përgjithshëm 5:1.
Ballkani tani është në “PlayOff-in” e Ligës së Konferencës, ndërsa sot do ta mësojë zyrtarisht kundërshtarin.
