Shkruan: Adnan Azizi
Dje, Bujar Osmani publikisht e pranoi takimin me të arratisurin nga drejtësia Nikolla Gruevski, ndërsa sot e mohon. Kjo kthesë nuk është gjë tjetër veçse një gënjeshtër në gjendje paniku, pasi e pa sa fuqishëm reaguan shqiptarët.
BDI dhe Bujar Osmani edhe sot bashkëpunojnë me Nikola Gruevskin dhe Sasho Mijallkovin. Arratisja e Gruevskit u organizua me mbështetjen e tyre, ndërsa Ligji për amnisti për Mijallkovin u votua pikërisht me votat e tyre.
BDI me vite i siguronte kuorum dhe përkrahje Nikolla Gruevskit, gjatë ndërtimit të Shkupit 2014, nga ana tjetër ndodhi rasti “Monstra”, rasti “Lagjja e Trimave”, dhe të gjitha sulmet kundër shqiptarëve.
Të gjitha këto fakte e zbulojnë hipokrizinë e sotme të Osmanit. Ai dëshiron ta fshijë të vërtetën, por faktet mbesin: BDI është partia që gjithmonë ka qenë në linjë me boshtin Vuçiq–Gruevski.
Shqiptarët nuk do të mashtrohen edhe një herë. Më 19 tetor ata do të japin përgjigjen e tyre ndaj gënjeshtrave dhe tradhtive të BDI-së.
