Vizioni për Shkupi 2028 do t’i mundësojë qytetit të rritet në një skenë kulturore për disa vite përmes së cilës qytetarët do të përfshihen, festojnë dhe ndajnë trashëgiminë e tyre kulturore, ndajnë idetë e tyre krijuese dhe ofrojnë zgjidhjet e tyre inovative që do t’i japin një vulë dhe karakter unik Shkupit si Kryeqyteti Evropian i Kulturës.
Me qëllim të realizimit të këtij vizioni, qyteti i Shkupit së shpejti do të shpallë thirrje publike ndërkombëtare për pjesëmarrje të të gjithë krijuesve të cilët do të kenë mundësinë të ofrojnë projektet e tyre në fushën e kulturës, artit, letërsisë, artit multimedial dhe të pasurojnë ofertën kulturore të Shkupi 2028.
Programi për Shkupin 2028 përbëhet nga katër shtylla mbështetëse, e para prej të cilave ofron histori reale që sjellin përfitime për shumicën dhe do të japin mundësinë për të zbatuar projekte që ofrojnë shpresë dhe narrativa pozitive.
Shtylla e dytë është ajo e solidaritetit, sepse Qyteti i Shkupit njihet si qyteti i solidaritetit botëror. Përmes projekteve, diskutimeve dhe punëtorive do të fokusohemi në solidaritetin, lidhjen reciproke, respektin dhe bashkimin, që është karakteristikë e Shkupit.
Shtylla e tretë është për projekte të ndërgjegjshme dhe të qëndrueshme, ndërsa e katërta dominohet nga krijimtaria e artistëve për promovimin maksimal të veprave të tyre.
Projektet lokale në program janë përzgjedhur përmes disa thirrjeve publike, ndërsa një pjesë e projekteve ndërkombëtare janë rezultat i bashkëpunimeve ndërkombëtare që Qyteti i Shkupit dhe partnerët e tij i ka përmes numrit të madh të institucioneve, organizatave dhe universiteteve nga Evropa, si dhe përmes rrjetet Creative Europe, Erasmus, Media dhe të tjera.
Është e rëndësishme të theksohet se programi “Kultura mbi ndarjet” është një shfaqje e trashëgimisë së pasur kulturore të Shkupit dhe do të promovojë të kaluarën, të tashmen dhe të ardhmen e qytetit tonë. Ajo feston muzikën, artin, kërcimin, letërsinë, pra çdo segment të unitetit, sepse kultura na lidh të gjithëve në baza ditore.
