Ka përfunduar edhe ndeshja e parë në Premier League për vitin 2025.
“Topçinjtë”, kanë arritur të fitojnë ndaj Brentfordit si mysafir me rezultat 1-3, duke e nisur këtë vit mbarë.
Golat u realizuan nga Mbeumo për Brentfordin në minutën e 13-të, ndërsa për Arsenalin shënuan Jesus në minutën e 29-të, Merino në minutën e 50-të dhe Martinelli në minutën e 53-të.
Me këtë fitore, Arsenali ngjitet në vendin e dytë ku ka gjithsej 39 pikë, ndërsa Brentfordi mbetet në pozitën e 12-të dhe ka vetëm 24 pikë.
