Më 20.09.2025, zyrtarë policorë nga SPB Shkup arrestuan A.G. (35) nga fshati Kondovë, Shkup, pasi të njëjtën ditë rreth orës 09:00, duke përdorur benzinë, i vuri zjarr automjetit të tipit “Mercedes” me targa të Shkupit, në pronësi të Sh. Gj. (51) nga Kondova.
Ndaj A.G. është ngritur kallëzim penal për veprën penale “shkaktim i rrezikut të përgjithshëm” sipas nenit 288 të Kodit Penal.
Me vendim të gjyqtarit të procedurës paraprake pranë Gjykatës Themelore Penale Shkup, ndaj tij është caktuar masa e paraburgimit në kohëzgjatje prej tetë ditësh.
