Më 30.03.2025 rreth orës 08:00 në SPB Shkup është raportuar se në rrugën “Cvetan Dimov” në lagjen Çair, nga një automjet “Audi A3” me targa të Shkupit në lëvizje, janë qëlluar disa plumba në ajër. Zyrtarët policorë kanë siguruar vendin dhe janë gjetur pesë gëzhoja nga një pistoletë me gaz.
Pas masave të ndërmarra, është identifikuar dhe gjetur A.D. (23) nga Shkupi, personi që drejtonte automjetin. Me të është zhvilluar një bisedë zyrtare, ku ai ka sqaruar se kishte qëlluar me një pistoletë me gaz të markës “Zoraki”, e cila ndodhej në shtëpinë e tij në Çair.
Me udhëzim të prokurorit publik, pistoleta është konfiskuar dhe ndaj personit janë ngritur procedurat përkatëse.
