Arrestimi i ish-kryeministrit, mijëra njerëz protestojnë në rrugët e Pakistanit
Police (foreground) use tear gas to disperse Pakistan Tehreek-e-Insaf party activists and supporters of former Pakistan’s Prime Minister Imran Khan during a protest against the arrest of their leader, in Lahore on May 10, 2023. (Photo by Arif ALI / AFP)
Mijëra njerëz janë ngritur në protestë duke marshuar nëpër rrugët e qyteteve të Pakistanit, pas arrestimit të ish-kryeministrit të vendit Imran Khan në lidhje me një rast korrupsioni.
Ish-kryeministri i Pakistanit, Imran Khan, u mbajt në paraburgim për tetë ditë, nga një gjykatë kundër korrupsionit, ndërsa protestat e dhunshme mbarëkombëtare për arrestimin e tij shpërthyen për të dytën ditë.
Policia ka përdorur gaz lotsjellës për të shuar protestat e mbështetësve të ish-kryeministrit të cilët kanë shfaqur zemërim, ndërsa situata po përshkallëzohet.
Qeveria tha se për shkak të protestave të dhunshme 8 persona kanë mbetur të vrarë ndërsa rreth një mijë janë arrestuar pasi u dogjën 25 automjete policie dhe më shumë se 14 ndërtesa qeveritare. Shërbimet e të dhënave celulare u mbyllën për të dytën ditë të mërkurën ndërsa autoritetet në vend kanë vendosur një urdhër që ndalon të gjitha tubimet. “Gjykata ka miratuar tetë ditë paraburgim fizik të Imran Khan,” tha Ali Bukhari, një avokat i Khan.
Ish-ylli i kriketit, i cili mbetet jashtëzakonisht i popullarizuar, ka mohuar më parë të gjitha akuzat në dhjetëra çështje të ngritura kundër tij. Ai thotë se rastet e panumërta ligjore janë pjesë e një përpjekjeje të qeverisë dhe ushtrisë në vështirësi për ta penguar atë të kthehet në pushtet. Arrestimi i tij ka nxjerrë mijëra mbështetës të tij në rrugë në qytete anembanë vendit.
Arrestimi i Khan erdhi disa orë pasi ushtria e qortoi atë për pretendimin se një oficer i lartë ishte përfshirë në një komplot për ta vrarë atë. Politikanët pakistanezë janë arrestuar dhe burgosur shpesh që nga themelimi i vendit në 1947, por pak e kanë sfiduar kaq drejtpërdrejt një ushtri që ka organizuar të paktën tre grusht shteti dhe ka sunduar për më shumë se tre dekada.
Agjencia e komunikimit e vendit tha se ministria e brendshme kishte urdhëruar ndërprerjen e shërbimeve të internetit celulare dhe kufizuar aksesin në faqet e mediave sociale Tëitter, Facebook dhe YouTube. Autoritetet kanë urdhëruar mbylljen e shkollave në të gjithë vendin – me anulimin e provimeve të fundvitit për studentët.
Qindra oficerë policie janë plagosur në të gjithë vendin, ndërsa në provincën më të populluar të Pakistanit, Punjab, rreth 1000 njerëz janë arrestuar dhe ushtria është urdhëruar të vendoset për të ruajtur paqen.
Protestuesit bllokuan disa rrugë që të çonin në Islamabad rreth drekës së së mërkurës, por kishte një prani të madhe sigurie në të gjithë kryeqytetin, veçanërisht jashtë të ashtuquajturave linja të policisë ku u mblodh gjykata speciale.
