Ndërmarrja Hekurudha-Transport do të anulojë linja të reja, gjegjësisht do të anulohet linja Shkup-Manastir-Shkup, që do të thotë do të kenë vetëm një herë në ditë tren prej në Shkup për në Manastir.
Kështu që nga e mërkura udhëtarët nuk do të mund të përdorin trenat që nisen nga Shkupi për në Manastir në 6:53 dhe 20:05, si dhe nga Manastiri për Shkup që nisen në 12:48 dhe 18:24.
Treni për Shkup dhe Manastir është më i shfrytëzuar sipas numrit të udhëtarëve të transportuar, dhe pritet që ky vendim i Hekurudhave-Transport të shkaktojë pakënaqësi sidomos te qytetarët e Prilepit dhe te popullata e rajonit të Azotit, i cili nuk ka asnjë formë tjetër për transport për në Prilep, Veles dhe Shkup përveç se transporti me tren.
Ndryshe para disa muajve janë anuluar edhe linjat e trenit Shkup-Kumanovë-Tabanovcë-Shkup. Ky anulim ka hyrë në fuqi më 4 janar të këtij viti dhe që nga atëherë e deri më sot banorët e rajonit të Kumanovës nuk kanë si të udhëtojnë me tren për në kryeqytet.
