Zëvendësministri i Arsimit dhe Shkencës, Prof. Dr. Lulzim Aliu, ka njoftuar përmes një postimi publik se në mbledhjen e Komisionit Qeveritar është miratuar Propozim-Vendimi për themelimin e shkollës fillore komunale “Azem Marana” në fshatin Moranë, Komuna e Studeniçanit.
Aliu theksoi se kjo shkollë do të jetë subjekt i veçantë shkollor dhe pritet të ndikojë pozitivisht në përmirësimin e cilësisë së arsimit në këtë zonë.
“Uroj që ky vendim të kontribuojë në rritjen e cilësisë dhe sukseseve të nxënësve që do të ndjekin mësimet në këtë shkollë e të bëjnë krenar veten e tyre, prindërit dhe çdo shqiptar e qytetar, ashtu siç krenohemi me figurën e patriotit dhe atdhetarit Azem Marana,” shkruan zv.ministri Aliu.
Shkolla do të mbajë emrin e patriotit Azem Marana, si shenjë respekti për kontributin e tij të çmuar në çështjen kombëtare.
Koalicioni VLEN, për një vit realizon atë që të tjerët nuk e bënë për 20 vjet.
https://www.facebook.com/share/19eCsBtnYv/
