FC Shkupi ka kënaqësinë të njoftojë rikthimin e mesfushorit me përvojë Ali Adem në radhët e ekipit tonë. Pasi ka përfaqësuar ngjyrat e klubit në sezonet e mëparshme, Adem rikthehet për të sjellë edhe eksperiencën ndërkombëtare nga Greqia e Shqipëria dhe energjinë e tij në mesfushën e Shkupit.
Ali Adem, një lojtar luftëtar në mesfushë, ka kontribuar në sukseset e klubit gjatë periudhës së kaluar, ndërsa ishte pjesë e ekipit tonë edhe vitin 2022 dhe gjatë fitimit të titullit kampion. Pas aventurës së shkurt te Flamurtari i Vlorës, ai ka zgjedhur të rikthehet në shtëpinë e tij sportive, duke premtuar sërish angazhim maksimal për mbrojtjen e ngjyrave bardhekaltër.
Ali Adem, në të kaluarën për ekipin tonë ka zhvilluar 90 ndeshje, në të cilat pos betejave të zhvilluara me mesfushat kundërshtare, ka kontribuar edhe me tre gola e një asist. Gjatë karierës ndërkombëtare, 24 vjeçari ka luajtur në Greqi te Arisi i Selanikut dhe Veria NPS, ndërsa së fundmi ishte pjesë e Flamurtarit të Vlorës në kampionatin shqiptar.
