Ndërtesa e Parlamentit kanadez është mbyllur, ndërsa policia ka paralajmëruar qytetarët të shmangin zonën. Shërbimi për Mbrojtje Parlamentare i Kanadasë (PPS) ka lëshuar një paralajmërim emergjent dhe ka shpallur bllokimin në rrugën Wellington 111, ku ndodhet Dhoma e Ulët.
Personat që ndodhen brenda ndërtesës dhe në afërsi të saj kanë marrë udhëzime “të strehohen në dhomën më të afërt”, “të mbyllin të gjitha dyert dhe të fshihen”.
Fotografitë e shpërndara në rrjetet sociale tregojnë një prani e madhe policore, me makina patrulle të parkuara përgjatë rrugës përballë ndërtesës. Ende nuk dihet se çfarë ka shkaktuar alarmin, raporton Mirror.
Policia në Otava gjithashtu ka lëshuar një paralajmërim dhe u ka bërë thirrje qytetarëve të qëndrojnë larg zonës. Postimi i tyre në Twitter thoshte: “Operacioni policor është aktualisht në zhvillim në Parliament Hill. Ju lutemi shmangni zonën. Nuk ka informacione shtesë. Përditësime në vijim.”
Për rikujtim, në vitin 2014, autoritetet mbyllën qendrën e Otavës pasi 32-vjeçari Michael Zehaf-Bibeau kreu një sulm në të njëjtin lagje. Ai vrau ushtarin kanadez, kapralin Nathan Cirillo, ndërsa Zehaf-Bibeau u vra nga policia.
https://x.com/onscenephoto_/status/1908602251083407594?s=19
