Një aksident komunikacioni me pasoja tragjike ndodhi sot rreth orës 13:00 në rrugën Manastir–Resnjë, pranë vendit të quajtur “Sleçishte”, njoftoi Ministria e Punëve të Brendshme.
Në aksident u përfshinë dy automjete pasagjerësh: një “Mercedes” me targa të huaja, i drejtuar nga një 52-vjeçar nga Manastiri me banim në Gjermani, dhe një “Opel” me targa të Ohrit, i cili transportonte dy persona 20-vjeçarë nga Ohri.
Sipas MPB-së, 52-vjeçari nga Manastiri vdiq në vendin e ngjarjes, ndërsa një nga pasagjerët e “Opelit” ndërroi jetë më vonë në Spitalin Klinik të Manastirit nga plagët e marra.
