Një aksident i rëndë trafiku ka ndodhur pasditen e sotme në rrugën kryesore që lidh kryqëzimin e Mavrovës me qytetin e Gostivarit. Në aksident janë përfshirë katër motoçikleta dhe katër automjete personale.
Sipas informacioneve paraprake nga autoritetet, si pasojë e përplasjes janë lënduar pesë persona, të cilët janë dërguar menjëherë për trajtim mjekësor. Ende nuk dihet gjendja e tyre shëndetësore.
Për shkak të aksidentit, trafiku në këtë segment rrugor është ndërprerë përkohësisht, ndërsa automjetet janë devijuar përmes rrugëve dytësore lokale.
Policia ndodhet në vendin e ngjarjes dhe ka nisur hetimet për të përcaktuar shkaqet e aksidentit.
