Ali Ahmeti gjatë tubimit të BDI-së në Zhelinë të Tetovës ka thumbur sërish kryetarin e VMRO-DPMNE-së, Hristjan Mickoski, për luftën e 2001. Ahmeti tha se Mickoski paskëshe nxjerrë foto me kallash në fejsbuk nga lufta e 2001, por sipas Ahmetit, Mickoski përveç kësaj fotoje nuk ka gjë tjetër, ndërsa ai ka një marrëveshje të firmosur nga NATO, Amerika dhe Evropa.
“Del Mickoski dhe thotë se Ali Ahmeti paska humbur luftën, çfarë lufte ka humbur Ali Ahmeti, me marrëveshjen ndërkombëtare, të nënshkruar nga NATO, Amerika dhe Evropa. Unë nuk shkova në Hagë, sepse lufta ime ishte e drejtë. Tani Mickoski po më përgjigjet me kallash. Nëse e ka marrë ofenduese se thashë televizor dhe televizi si pleqtë. Po ashtu vërtetë e ka parë në televizion. Vetëm një tjetër fotografi ka me kallash dhe tjetër gjë nuk ka. Unë kam marrëveshjen ndërkombëtare të nënshkruar.”- tha Ahmeti.
