Adnan Azizi nga Bogovina: Opozita është në panik totale, prandaj merren me shpifje

Shefi i Shtabit zgjedhor nga VLEN, Adnan Azizi në hapjen e Shtabit zgjedhor sonte në Bogovinë tha se jemi të bindur se do ta fitojmë çdo betejë dhe çdo garë politike.
Duke aluduar në opozitën shqiptare, ai tha se janë në panik totale, dezorganizim të thellë dhe mundohen të drejtojnë shpifje të pabaza.
“Pra, e shihni se këto të zullumit kanë ngrit një arsenal të jashtëzakonshëm të shpifjeve dhe dje u thash në Parlament, për çdo shpifje do të keni 100 përgjigje, sepse shpifja është shpifje, argumentet mbeten kokëforta”, tha Azizi.
A e mbani mend kur u bë qeveria, pyeti ai, përsëri duke akuzuar opozitën.
“Ne themi se ishin në dhomën 161 vetëm për të prish pazaret e shqiptarëve dhe vetëm për t’u bërë pjesë e qeverisë për të ruajt karrigen dhe Soravinë ata pranuan të heqin dorë nga pozita më e lartë si ajo e kryetarit të Parlamentit bile edhe dy ministra më pak vetëm e vetëm ta spostojnë VLEN-in nga qeveria”, akuzoi Azizi.
Azizi mes tjerash ka qartësuar edhe qëndrimin e tij lidhur me sulmet në adresë të tij, derisa shton se është takuar me kryeministrin Mickoski.
“Unë u takova me kryeministrin dhe ai shprehi keqardhje dhe u befasua nga linqet që ia kishin dërguar me trillime, fabrikime e montime të fjalëve të mia. Unë jam shpreh jo kundër bashkëqytetarëve tanë, kemi thënë se Bilalli do të jete kryetari i gjithë qytetarëve, unë kam folur kundër Bujarit dhe BDI-së që me hipokrizi mbështetën Ballkanin e hapur dhe shesin patriotizëm”, ka thënë Azizi.