Ademi: Qeveria po cënon përfaqësimin e drejtë nëpër komuna duke e ulur numrin e këshilltarëve

Nënkryetari, Arbër Ademi ka deklaruar se vendimi i Qeverisë për të ulur numrin e këshilltarëve rezikon përfaqësimin e drejtë nëpër komuna. Sipas Ademit me këtë vendim, Qeveria tenton uljen artificiale të shqiptarëve.
“Qeveria ka vepruar në kundërshtim të hapur me ligjin dhe me vendimin e Gjykatës Kushtetuese, vetëm e vetëm që mos ti trajtoj shqiptarët në 29.5 përqind, ashtu siç dolën në regjistrimin e popullsisë, por tenton ti paraqes artificialisht në mënyrë të padrejtë, 24.3 përqind. BDI kërkon respektim të plotë të Kushtetutës dhe vendimit të Gjykatës Kushtetuese”, ka deklaruar Arbër Ademi nga BDI.
Ademi potencoi se me këtë vendim, Qeveria siç ai thotë pa legjitimitet etnik, tenton të vë në pikëpyetje edhe legjitimitetin e zgjedhjeve lokale që pritet zhvillohen me 19 tetor.
“Kjo Qeveri, nuk i pranon këto rezultatet dhe shkel Kushtetutën dhe nenin 34 të ligjit për vetëqeverisje lokale. Cila është arsyeja, pse të krijohen tensione, pse të vihet në pikpyetje EDHE legjitimiteti i këtyre zgjedhjeve lokale, kujt po i shërben kjo Qeveri? Interesit të qytetarëve jo…”, shtoi më tej Ademi.