Më shumë se një vit, shqiptarët kanë parë me sytë e tyre se çfarë do të thotë përbuzja, si të shkelet dinjiteti, si të përjashtohesh dhe të diskriminohesh në mes të ditës, para syve të botës. E kanë parë ata që punojnë në administratë, të pambrojtur nga poshtrimi politik.
E kanë parë policët që i shërbejnë ligjit, por trajtohen si armiq nga ky pushtet. E kanë parë mjekët dhe pacientët, arsimtarët dhe prindërit, bizneset që ndëshkohen pse nuk janë pjesë e klaneve të pushtetit dhe se jane shqiptar.
Poshtërimi është bërë realitet i përditshëm per shqiptaret.
Kjo gjendje nuk është rastësi; është rezultat i një grupi të vogël njerëzish të verbuar nga pushteti personal. Një klikë që ka ndërtuar sistemin e frikës, servilizmit dhe varësisë. Një grup që beson se shqiptarët do të durojnë pafund, se do të mjaftohen me ndonjë vend pune me kontratë të përkohshme, ndonjë premtim bosh dhe ndonjë fjalë patetike për “bashkëjetesë” apo ndoshta edhe per pak pare.
Por 19 Tetori po vjen.
Dhe bashkë me të po vjen edhe dita kur ky popull do ta thotë fjalën e vet: qartë, me dinjitet dhe pa frikë.
Sepse përbuzja ka një kufi, dhe dinjiteti nuk mund të blihet.
Shqiptarët e kanë kuptuar se nuk janë peng i askujt. Ata nuk do të lejojnë më që në emrin e tyre të mbahen në këmbë koalicione turpi dhe qeveri që ushqehen me servilizëm.
Më 19 Tetor, shqiponjat do të ngrihen përsëri.
Do të vershojnë kutitë e votimit për t’i dhënë fund këtij poshtërimi, për të rikthyer ndjenjën e krenarisë dhe për të hapur një epokë të re: të barazisë, të përgjegjësisë dhe të respektit.
Kjo nuk është vetëm një datë zgjedhjesh. Është një referendum për dinjitetin dhe krenarinë, dita kur pushteti do të kthehet tek populli, dhe populli do ta marrë në dorë fatin e vet.
Këta njerëz e dinë se fundi i tyre është afër. Dhe prandaj do të shohim shumë panik, shumë shpifje, shumë përpjekje për të trembur qytetarët.
Por e krenaria është më e fortë se frika.
Dinjiteti dhe krenaria janë më të fuqishëm se çdo pushtet i përkohshëm. Dhe 19 Tetori do të jetë dëshmia e kësaj. Nga sot, çdo ditë deri më 16 Tetor, do të prezantojmë kandidatët tanë për kryetarë komunash me programet e tyre dhe do të rikujtojmë se si kjo qeveri jolegjitime monoetnike, gjatë 15 muajve të qeverisjes, e ktheu vendin me dekada prapa!
