Çmimet e mjeteve shkollore janë ngrirë nga ana e Ministrisë së Ekonomisë.
Por dikush ka gjetur mënyrë për të kundërshtuar masën e qeverisë. Kjo foto e shpërndarë në rrjetet sociale tregon se si një dyqan, me anë të këtij mbishkrimi, njofton nuk do të shesin mjete shkollore për shkak të ngrirjes çmimeve
Pyetëm në Inspektoratin e Tregut se a kanë inspektuar dyqanet dhe nëse kanë hasur në ndonjë shkelje, por deri tani nuk morëm përgjigje.
Nga ana tjetër, kryeministri Hristijan Mickoski në Fejzbuk u lëvdua njofton se masat e Qeverisë po japin rezultatet, pasi që blerja e mjeteve shkollore tashmë është më ekonomike.
E pyetur se a ka shkelje në treg, ministrja e Arsimit Vesna Janevska tha se nuk është në kompetenca të ministrisë dhe se duhet të merren masa nga ana e Qeverisë dhe Inspektoratit.
Opozitarja LSDM ka reaguar për ngrirjen e çmimeve të mjeteve shkollore pasi siç thonë, janë ulur çmimet pasi ka filluar viti shkollor dhe pasi janë blerë mjetet nga ana e prindërve.
Dje ministri i ekonomisë Besar Durmishi njoftoi se Inspektorati i Tregut do të dalë në terren për të inspektuar respektimin e masës dhe se do të merren masa nëse ka shkelje.
