Zëvendëskryeministri i parë dhe kandidati i VLEN-it për kryetar të Komunës së Çairit, Izet Mexhiti, po dëshmon çdo ditë se ndryshimi i nisur nuk ka të ndalur. Në një video të publikuar sot në faqen e tij zyrtare në facebook, shihet rruga “Avram Pisevski” e lagjes Gazi Babë, ku punimet po shënojnë një transformim të plotë.
Në këtë rrugë është vendosur rrjet i ri atmosferik, janë shtruar gypat e kanalizimit dhe është ndërtuar rrjeti i ri i ujësjellësit. Kjo nënkupton se banorët nuk do të përballen më me problemet e vjetra të mungesës së infrastrukturës bazë, duke përfshirë përmbytjet dhe mungesën e ujit të pijshëm.
“Përshëndetje nga rruga Avram Pisevski në Lagjen Gazi Babë!” ka shkruar Mexhiti, duke nënvizuar përkushtimin e tij për të sjellë projekte të prekshme dhe konkrete që përmirësojnë jetën e qytetarëve.
Sipas Mexhitit ky projekt është një dëshmi e qartë se vizioni i VLEN-it për modernizimin e komunës së Çairit nuk mbeten vetëm premtime, por kthehen në realitet. Përmes këtyre investimeve, qytetarët përfitojnë kushte më të mira jetese, ndërsa lagjet e Çairit marrin pamjen e denjë që meritojnë.
