BDI, Bujar Osmani, Artan Grubi dhe Ali Ahmeti mendojnë se shpejt do ta largojnë “mizën nga kapela”, por në fakt u zbuluan vetë.
BDI është parti themeluese e botës serbe në Maqedoni.
Kujtojmë:
Hyrja e MTEL në Maqedoni është në korrik të vitit 2021 – pikërisht kur BDI ishte në pushtet, Bujar Osmani ishte ministër i Punëve të Jashtme, dhe për më tepër, ministrat e ekonomisë dhe financave ishin po ashtu kuadro të BDI-së, të propozuar nga Ali Ahmeti.
Pa pëlqimin politik të Qeverisë ku merrte pjesë BDI dhe pa veprimet e ministrave të BDI-së, MTEL nuk do të merrte licencë dhe nuk do të hynte në tregun e Maqedonisë.
Gjithashtu, Qeveria në të cilën merrte pjesë BDI, ajo e Bujarit dhe Artanit, mori disa vendime për të lejuar hyrjen e kapitalit nga nëntoka serbe dhe malazeze në biznesin e kazinove. Nga tre licenca, dy i morën kompani të dyshimta biznesi nga Serbia dhe Mali i Zi.
Sot BDI dhe Bujar Osmani sillen si të shqetësuar për hyrjen e kapitalit serb, ndërkohë që qeveria e tyre e hapi tregun dhe dha dritë jeshile.
Fakti që BDI është në listën e zezë është vetëm pasojë e shumë informacioneve për hyrjen e bizneseve dhe kapitalit të dyshimtë serb në Maqedoni, gjatë kohës së qeverisjes së BDI-së.
BDI është parti themeluese e botës serbe në Maqedoni.
Duke pasur parasysh këtë, kërkojmë nga BDI dhe Bujar Osmani të përgjigjen publikisht:
A është, sipas informatave tona, hyrja e paralajmëruar e “Alta Bankës” rezultat i shumë takimeve që ai dhe Ali Ahmeti kanë pasur me presidentin Vuçiç dhe me funksionarë të tjerë serbë?
A ekzistojnë procesverbale dhe marrëveshje nga ato takime – dhe nëse po, pse nuk janë publikuar?
A e kujtojnë se nga të gjitha këto takime, zyrtare dhe jozyrtare, ka dhe ekzistojnë fotografi?
Opinioni meriton një politikë konsistente dhe transparencë të plotë, e jo përplasje të përditshme dhe hedhje fajesh. Nëse BDI dhe Bujar Osmani janë të sinqertë, le t’i publikojnë të gjitha dokumentet dhe le të shpjegojnë pse në vitin 2021 qeveria e tyre mbështeti hyrjen e MTEL?
