Tragjedia në Koçan / BDI-ja letër Komisionit Evropian, kërkon hetim ndërkombëtar

Bashkimi Demokratik për Integrim vazhdon të insistojë përfshirjen e faktorit ndërkombëtar në hetimin për tragjedinë e Koçanit ku humbën jetën 59 persona, pasi që sipas tyre, Prokuroria po bën hetim selektiv me direktiva partiake. Deputetët e Frontit Evropian u kanë dërguar letër formale katër instrumenteve kyçe të Këshillit të Evropës, përmes së cilës kërkojnë të dërgohet një mision i pavarur ekspertësh për të vlerësuar pavarësinë e hetimit. Më tej, kërkohet inicimi i debatit në Asamblenë Parlamentare të Këshillit të Evropës, opinion nga Komisioni i Venecias për ndikimin mbi Prokurorinë dhe angazhimin e GRECO-s për hetimin e ndikimit politik mbi vendimet e Prokurorisë. /Alsat.mk