Konsulentja e biznesit Falkona Hasani ishte e ftuar këtë të enjte në “Good Morning Albanians” ku ka treguar se si brenda një dite ajo ka marrë tre diploma.

Ajo është diplomuar brenda një dite në Shkenca Politike, Anglisht dhe “European Union Law“. Aktualisht ajo i vijon studimet për “Marrëdhënie Ndërkombëtare dhe Diplomaci”.

Falkona Hasani nga Podujeva, e lindur më 16 qershor të vitit 1999 tashmë ka përfunduar studimet bachelor në tri universitete, kështu duke marrë 3 diploma brenda 3 viteve.

“Shpesh 24 orshin e kam bërë 36. Studimi nuk ka qenë shumë i vështirë, por do ndarje të mirë të kohës për drejtimet që kisha më shumë nevojë. unë studimet në Itali i vazhdova online në periudhën e pandemisë dhe arrita që studimet t’i përmblidhja në një ditë.

Në Prishtinë kisha mundësi të diplomohem edhe më herët, por për shkak të simbolikës së ditës pata vendosur që ti shtyja në një ditë ku ti bëja të treja në një ditë. Kështu bëra të mundur që të diplomohesha tre herë brenda një dite”,-tha Falkona Hasani./Euronews.al