Në 16 vjetorin e Pavarësisë së Kosovës, monumenti ikonik New Born, këtë vit do përçojë një mesazh pozitiv, me fokus lirinë e lëvizjes pas liberalizimit të vizave.
Me logon ‘7 qiejt’ monumenti ikonik që shënon Pavarësinë e Kosovës këtë vit në dallim nga mesazhet politike të viteve të fundit, në vitin 2024 do mbajë simbole të vendeve evropiane të cilat të rinjtë e Kosovës do mund t’i vizitojnë lirshëm, pa viza.
7 qiejt’ simbolizon edhe shtatë shkronjat e monumentit mbi të cilat do vendosen imazhe të qyteteve evropiane e monumente që sugjerohen për t’u vizituar. Qielli nëpër këto shkronja do jetë i ngjyrosur në bazë të ciklit diellor, nga lindja deri në perëndim.
Çdo vit vullnetarë dhe kompani ndihmojnë në ngjyrosjen e këtij monumenti, ndërsa mesazhi ndryshon në bazë të situatës politike e shoqërore të vendit.
